بقلم/ محمد عباس
لما اكون واقف طابور
لما اشوف الضلمة نور
لما يبقى القهر بحر
وانسى الكلام بين السطور
لما اخبط والاقى سور
نفسى اشوفك لكن بدور
و الفهلوة صارت قصور
والبلادة والرياء دور ودور
والكفاءة فى الزواج والمهور
والامل انطفى فى الصدور
والحلم اصبح صبروجور
كان زمانى شخص تانى
فريد وسامى مغرور انانى
نفسى ترجع الضحكة تلآلى
او تعود لمة العيلة امانى
فى حياتنا مآسى واغانى
شخص باكى زلزل كيانى
سرقوا حلمه وكان مثالى
والمكاسب والمناصب بالتساوى
مستحيل القسوة والحرمان مكانى
غفوة وسحابة فى خيالى
يارب اهدى كل عاصى
واللى راكب واللى ماشى
واللى فاكر واللى ناسى
واللى يحسدنى فى مداسى
واللى فاكر طبعه قاسى
واللى ظاهر صديق ووافى
واللى جرى وخد مقاسى
وعمر بيعدى فى ثوانى
لن تعود اللقطة تانى
كلمة حلوة ورمز غالى
والطيبة مش ضعف وتعالى
بسمة صافيةاسمى المعانى
حلمى بكرة حب وتفانى
والايدين متجمعين قاصى ودانى
والتحدى والارادة هنبنى تانى