احمد عبدالحق
زي مافيه قوافي
فيه مشاعر
اقوي إحساس نحسه
مش قوافي
المهم الحضن دافي
والقلب وافي
مش مهم انك تعوم
أصل بحرالعشق صافي
------------------------
هي ايه رقه مشاعر
هي ايه انك تحس
انك بين الحرف والحرف
تعزف مشاعر
تكتب مشاعر
حتي لما تتألم
تنزل دموعك مشاعر
هي ايه لحظه حنين
ويعني ايه الورده تطلع
من وسط طين
يعني ايه الصبح يطلع
من جوه ضلمه
ولاحكايه زيطه ولمة
ومين بيحب مين
والحروف تعشق حروف
والاماني جوه القلوب
بتهد خوف
يعني ايه تشتاق مشاعر
تكتب مشاعر
ترسم قلوب فوق القمر
تكتب معاني
وطير صغيرفوق شجر
ولما تحزن تنزل دموعك
ساعتها بس تفتكر
أن ده حكم القدر
دنيا غريبه فيها الحبايب
لحظة يعود
واكتر لحظاته غايب
لحظه طير فرحان صغير
واكتر من لحظاته شايب
صدقيني مش مهم شعربقوافي
مش مهم بحرالطويل
المهم جوه المشاعر
يتولد إحساس جميل
المهم انك حبيبتي
حتي لو هنحلم
حتي لوكان مستحيل