بقلم/ سالي محمود
رسمت الحنة على كفى
وقلت الوعد ما يكفى
رسمت سهم فى قلب بلون دمى
خلطت حنتى بدم غزال
وانا عاشقة واقول موال
وعلى كتفى همومى جبال
ورسمت فوق القدم خلخال
وصوت الرنة على الخطوة بتحلالى
واقول للدنيا مهما يكون حالى
وهاقول الفرحة دى حلالى
ومهما سهرت انا ليالى
خلاص الحلم اتحقق
وبكرة راح يكون اصدق
حلمى كان فى اغنية
كلام وسلام وامنية
وفرحة بشوق مندية
بعشق لايام كمان جاية
بحبك والليالى طوال
تشهد على قلبى وعيونى
ولون الكحل فى جفونى
وكفى اللى لسة متحنى