ندي محمد
تعرف أمتي أكرهك ....؟
لما دمي يبقي ميه
لما عيني تبدأ تبكي عليه
لما خوفي يحصد سنيني الجايه
لما الشمس تحرق حركاتي
لما الليل يبقي حياتي
لما الشوق يتحول لجوع الأيام
لما أنسي حاجة أسمها أحلام
لما عيوبي تبقي أسمي
لما شعري يبطل يرسم ملامحي
لما كلامي يلاحقه الخرس
لما الأيد يفزعها الأرق
لما البحار السبعه تجف
لما الشعور والغرور يتساوى
لما الساعات تبقي ثواني
لما قلبي يخاف من نفسه
لما الحقيقة تبطل المعجزات
لما الصوت يعنف السكات
لما الورق يبقي رماد
ويتنسي معاه الحكايات
لما أقول بأعلي صوت كفاية
تبقي أنتهي وقتك معايا
وتلم أوراقك وذكرياتك
وتمحي كل أثر كان له مأساة
جرحت كبريائي
ساعتها تعرف أني كرهتك
وتبطل تسألني وكأنك
منتظر كرهي ليك
مع أني بحب معاليك