عادل أبوزيد
ياعم روّح بقى
يالله ف أمان الله
بكفايه مُر وشقى
كِدبَك وجربناه
أكّلتك السكر
أكّلتني م التبن
عملتك الفارس
عملتني الاستبن
وبتيجي تبكيلي
لما تضيق الحياه
ياعم روّح بقى
يالله ف أمان الله
بنام ف حضن الأمل
وأصاحب الانتظار
عايش حياتي ملل
مسجون ورا الأسوار
أستنى في الغالي
يقول وأنت مالي
عاجبه كده حالي
راضي أعيش ف النار
ماشي ولا فاكر
فاكرني هامشي وراه
يا عم روّح بقى
يالله ف أمان الله