احمد عبد الحق
الي التي قالت عشقك حرام
كل مشاعرك ياشاعر
كلام في كلام
-----------؛؛؛؛؛؛؛؛؛؛؛؛؛؛؛؛؛
انامش نبي
ولا قديس
ماليش معجزات
انا باختصارانسان
حبة مشاعر
مكتبولي أكون شاعر
مخلوط من صدق
حنين
أنين
وبعض من الشهوات
لما احس اشتياق
بكتب احلي كلام
ولما احس نفسي فراق
بيملكني هيام
ساعات بكون ساحر
وساعات ببقي شاعر
ولما يداعبني غروري
بكون فاجر
مش بايدي كوني شاعر
بتقولي لي حبك حرام
لو حرام
طب ازاي هتكون حياه
وازاي هيجيبوا الغلام
ازاي تحس لحظه شوق
وانت لاتملك هيام
وازاي تحس لمسه حنان
وبين ضلوعك قطعة رخام
وازاي هتضحك
غيرلما تبكي
عشان تشوف الشمس
لازم تحس بضلام
وعشان تعيش المشاعر
لا تنحرم
لازم مشاعرك تنقسم
وبعدها دوق الغرام
متساليش ازاي نحب
في العشق مفيش
ازاي أو بكام
صدقيني مره واحده
هي حياه واحده
صدقيني والسلام