الشاعر / احمد ابراهيم
لما تسبيني وسط موج اصرخ بموت
ولا تسمعي طب ليه بقلبك تهربي
محتاج حنين طاااااااااااااااااااااااااال السكوت
والليل بيسكن الحواري والمدن
ساكن على ظل الشجر
والحجر والعماير والبيوت
طب ليه اعيش
وانا عشتى فيكي بالف موت
طالب نهار او حتى ضوء
او كلمة منك فيها عنوان الامل
ده انا قلبي دافع م الألم مليون ثمن
طاااااااااااااااااااال السكوت
طالت سنين فيها الظلام طال السهر
وانا كل ليله بنتحر
وف كل ثانيه جسدي فيها يرتعش
برد الشتا مليووووووووووون شتا
والبرد قارص وحدتي رعشة وخوف
رعشة حروف
بتخاف على كل التاريخ
احساس مخيف
احسن الاقيكي ف كتاب مالهوش سطور
ولا حتى فيه م الصور
وكتاب قديم طال الزمن
واكل حروفه كلها
وتكونى يوم مالكيش حضور
او حتى دور وينكتب عنك بزور حبة كلام
وسط الزحام متجمعه حبة نسور
نهشين جسد مجدك
مع حبة افاعي ف توب ملاك
بس الهلاك واقف على حافة جبل
والوهم ساكن من زمن على طرحتك
توبك حداد مالي السواد
رمشك وساكن جبهتك
تجعيد زمن حتى التاريخ مالهوش ثمن
بين السطور كان العبور
من محنتك حبة ايمان
وحب عاشق يعشقك مش بالكلام
او بدمعه م العنين او بالخداع
حبيبتي فيكى حزن فاض
بركان وقاد وسط الزحام
فيكى اللى راقص ع الم وع الحبال
مسرح كبير والدور كبير
مكتوب على كل الحيطان
انى الحيتان متجمعين
نهشين جسد مجدك وفاض
بكفايه جرحك ده النزيف بين الحدود
طااااااااااااااااال السكوت
عايش بموت والله بموت