بقلم/ احمد عبد الحق
يعني ايه خايفه تقربي
خايفه الحنين اللي ماليك
بحجة انك تضعفي
ياريتك تنسي الحسابات
والكتابات
وتحاولي مره واحده
أن بمشاعرك تكتبي
يا اميرتي
ساعات كتير بحس بيك
واحن ليك
واشتياق لضمه .بس ضمه
أصل انا مخلوق عشانك
طفل مولود علي المحبة
رضعوه الشعرحبه بحبه
علموه يبقي شاعر
علموه لما يحب
يكتب كل المشاعر
بس ياخساره
نسيوا يعلموه
انه يبيع اغلي ماعنده
بالخسارة
نسيوا يفهموه
أن حتي المشاعر
سلعة أساسي في التجاره
ياريتهم قبل مايعلموه
كانوا علموه الشطاره
يا ميت خساره
لما حبك ينكتب
يتحبس
يطير مع دخان السيجاره
بعترفلك إني رغم أني
شاعر بجد
أن حاسس جوه ريقي
جوه احساسي بمرارة
عوزاني أبعد
طب وماله
هبعد بس مين فينا
ياروحي هينزل الستاره
مين هيندم
ومين هيضحك
مين هيقدرعلي طعم المراره
اقولك حقيقه
ممكن تستني دقيقه
أصلي ركعتين استخارة