عادل أبوزيد
افتح أي محرك بحث
واكتب سوريا ف حالة حرب
شوف كده ايه الاقتراحات
تفجير تدمير قتل و ضرب
حاجة جميلة تسر القلب
صعب عليك اللون الاحمر؟
صوت العضم اللي بيتكسر؟
شكل المخ أمّا بيتفجّر؟
صعب المنظر؟
مشهد سينمائي متأڤور
مشهد صعب عليك يتكرر
عارف ليه السوري موزع
تخطيت بيته لأهل الحارة؟
علشان يعرفوا فين أولاده
لمّا البيت يندكّ في غارة
هاتشوف سيارة الاسعاف
ماشية تلم جثث م الشارع
مشهد ولا مليون مخرج بارع
عارف ايه الباقي في سوريا ؟
شوق الأرض لكل اولادها
مستنية الغايبين يرجعوا
تاني إليها
والغايبين صاحيين نايمين
يحلموا بيها
حلم الآرض تشوف أهاليها
حلم الأهل يموتوا عليها
بس يلاقوا طريق العودة