كلمات / محمود جنيدة
بعت القمر يمسّى عليكى ..
رجعلى القمر مكسوف ..
سألته مالك .. رد بكلام ..
لا مفهوم ، ولا معروف ..
قاللى لا لقيت كلام يسعفنى ..
ولا افتكرت أى حروف ..
فمتبعتنيش تانى من فضلك ..
واعمل فيا بقى معروف ..
دانا لما شفتها حسيت ..
إنى حاموت خجل وكسوف ..
بس انا مين يعذرنى ..
وانا دايما كده ملهوف ..
مانا مش مرتاح فى بعدك ..
ودايما مالينى الخوف ..
بحبك وحبى ياغالية ..
مش شعر وكلام وحروف ..
انا حبى أكبر كتير ..
من أى إحساس معروف ..
يعنى الكلمة اللى اقولها ..
ومفيش جوايا خوف ..
والإحساس اللى برضه اقوله ..
من غير خجل وكسوف ..
وادينى أهه بقولها ..
بحبك .. ومش مكسوف .