بقلم/ عادل عمران
بيني وبينك ضلمة ..
وعتمة ..
وشوارع مافيهاش لون النور
بيني وبينك دمعة..
وآهه..
وطريق آخره غيامة ومهجور
أحزان ورا أحزان
وحيطان بتداري حيطان
وصمت وكبت ومليون سور
إنتي وانا ..
دي نهايتنا
لحد هنا ..
وانتهت رحلتنا
إحنا كنا عكس بعض
إحنا كنا ضد بعض
ميت جواب مالهومش رد
تاهوا مابين الكدب والغرور
بيني وبينك ضلمة ..
وعتمة..
وشوارع مافيهاش لون النور
بيني وبينك دمعة
وآهه
وطريق آخره غيامة ومهجور
إنتي وانا ..
ياما كدبنا على بعضنا
شوفي كام سنة ..
واحنا بنعذب حبنا
في كل طريق وكل شارع
إحساسنا ببعض كان ضايع
والنهاية كانت مواجع
والدموع داير مايدور
بيني وبينك ضلمة ..
وعتمة..
وشوارع مافيهاش لون النور
بيني وبينك دمعة..
وآهة..
وطريق آخره غيامة ومهجور
دلوقتي لازم نفترق
كل واحد منا في طريق
الحب في بحورنا غرق
والغريق غرَق غريق
هيا دي نهاية خطوتنا
هيا دي نهاية حكايتنا
ولا عادش باقي غير دمعتنا
وجرح في قلب مكسور
بيني وبينك ضلمة ..
وعتمة ..
وشوارع مافيهاش لون النور
بيني وبينك دمعة ..
وآهة
وطريق آخره غيامة ومهجور
***