عشق الشاى

بقلم/ اشرف الدغيدي

ياحبيبتي الجمال والحسن يعجبني فيكي

وتاه عقلي مني وغرقت في سحر عنيكي

وجنني فيكي رمش عينك وكحلتك

ويعجبني فيكي طبع حسنك ورقة بسمتك

وهوسني دلالك ودلع جمال خطوتك

كإنك من كوكب تاني جايه للحب وللغرام تعلمي

هو انتي ايه ياحبيبتي قولي أوام واتكلمي

من بين النساء إنتي ياحبيبتي تكوني
ولاَّ ملاك من السما وربها بعتهولي

دا انا كل ماشرب من حبك وحنانك
بارجع عطشان ملهوف كإني اول مره اشوفك

ونار شفايفك ياحبيبتي لو قربت منها لهيبها بيحرقني وبيكويني

هو انتي ايه ياحبيبتي ولا إيه

جننتي عقلي وخطفتي قلبي وهوستيني

ومن يوم ماحبيتك بشوفك فعيون كل النساء

بشوفك فراشه بترقص بين الزهور والأغصان

قوليلي ياحبيبتي وارحميني انتي ايه

حتي القمر لما ببص عليه كإني شايف وشك انتي فيه

دآ انا ياحبيبتي من يوم ماحبيتك
لماَّ باسمع البلابل تغرد كإني باسمعك
وكإنك بتندهيلي وبتكلميني

معقوله ياحبيبتي انتي انسانه من بين البشر

طب ازاي وانا شايف وشك منور في السماء مكان القمر.

حتي النجوم الجميله فالسماء
كل نجمه واخده حته ياحبيبتي
من ملامحك

مره نجمه شايفها شفايفك
ونجمه شايفها رمش ونن عينك

ونجمه ياحبيبتي شايفها رسمت حواجبك
ونجمه شايفها كإنها خدودك

ارحميني ياحبيبتي جننتيني
قوليلي ازاي حبيتك انتي بالشكل ده

وعملتي فيا ايه وازاي خطفتي قلبي وروحي وكياني كده

بقيت اشوفك واسمعك واشم عطرك في كل مكان

فالسما نور ومنور الكون كله باشوفك
وكل الزهور بشم فيها ريحتك

وع الاغصان لمآ باسمع تغريدة البلابل كإني سمعت صوتك

صدقيني ياحبيبتي لو قولتلك

اني باسمع حتي قلبي بينادي بحروف اسمك انتي وبيدقلك

ااه ياحبيبتي يللي حبك ملكني وبقيت خلاص قتيلك

ومن يوم ماعيني جت فعينك بقيت أسيرك

وااااه لو تعرفي قد ايه اتعودت خلاص عليكي

ولو زعلتي مني ياحبيبتي لحظه ......
بشوف الضي كله سواد وعتمه
والسما سحابه سوده في عيوني

اااه ياحبيبتي اااه ان كان ده حب يبقي حبك ليس حب عادي
وارحميني

عشان حبك وصل بعقلي ياحببتي لجنوني

بقيت أشوفك واسمعك في كل مكان وعليآ بتنادي

الله علي حبك ياحبيبتي وروحي الله عليه

غير كل شيء كان في حياتي ودنيتي وبقيت كده ليه