إسلام عامر
مسير الحي يتلاقى
يا دنيا قاسية وفراقة
قلوبنا كانت مشتاقة
جرحنا وغدر بينا الزمان
تاهت كتير خطانا
والحزن عاش جوانا
بقى ماضي يألم فينا
وذكريات تبكينا
كل الأماكن تنادينا
ليه اتغير العنوان
انتهى بينا الطريق
ضاع الحب
أصبح غريق
ف بحور ألام
وعذاب حرمان
أرواحنا كانت تداوينا
من كل وجع تشفينا
ف الحلم كنا
نشوف بعضينا
والصبر فينا مقوينا
مع بعض حسينا الأمان
قدر ونصيب مكتوب لينا
فراقنا يكون مش بإيدينا
وشوقنا باين ف عينينا
يا دنيا قاسية وفراقة
مسير الحي يتلاقى
مستحيل الحلم يموت
طول ما الأمل
جوانا موجود
مسير الغايب
ف يوم يعود
وتتجدد تاني
كل الوعود
احساسنا ببعض
ملوش حدود
يا دنيا قاسية وفراقة