عشق الشاى

عادل عمران

الطريق ده كان طريقنا
إنتي وانا ياما مشيناه
نفس البيوت
نفس الشوارع
نفس الي ضاع واللي تاه
الطريق ده كان طريقنا
مين اللي عيًر دمعته بالآه
…
كل الحاجات مش هيًا هيًا
كل الحاجات مش هيًا اللي كانت
يا هلترا عيوني اللي باعت
ةلاً عيونك هيًا اللي حانت
إتبدلت واتغيرت ملامحنا
ولاً الطريق مش هةًه الطريق
…
كل الحاجات مش هيًا هيً
كل الحاجات مش هيًا اللي كانت
يا مدينة إحنا مين
يا مدينا روحنا فين
توهنا ولاً واخدانا السنين
…
هنا ابتدينا حلمنا
هنا كتبنا إسمنا
هنا اعترفنا لبعضنا
وافترقنا فجأة في الضياع
كل الحاجات مش هيًا هيًا
كل الحاجات مش هيًا اللي كانت
…
لون السكات غطًى المكان
كل الدروب صبحت حيطان
وانكسر جوًانا شىء
ولا احنا داريين بالزمان
يمكن إنتي وانا متبدًلين
جايز إنتي وانا متغيًرين
ولاً المدينة مش نفس المدينة
كل الحاجات مش هيًا هيًا
كل الحاجات متغيًره
…
اللي سافر
واللي هاجر
واللي راح وماعادش تاني
واللي فات
واللي مات
واللي انتحرت على كفه الأماني
توهنا ولاً نسينا الطريق
ولاً السحاب أصبح غميق
ولاً السراب واخد الطريق
لبحر التوهة من تاني
…
هيًا المدينة
نفس المدينة
بس مش هيًا المدينة
إحنا إحنا
ولاً مش إحنا
ولاً اتغيرت فينا عينينا