بقلم الشاعرة / روحية صلاح
فاكر.....كل مرة
كنت تيجي تشوفنيكنت بقولك إيه؟
كنت بقولك: خدني معاك
كنت ترد بسرعة ياريت
يصبح الحلم حقيقة
نتوه أنا وانت فى الحواديت
فاكر ....كل دمعة نزلت من عيوني
لو حسيت إنك تعبان؟
ولا فاكر يوم ما عييت
لما دعيت ربنا يشفيني
وياما بكيت؟
فاكر؟؟؟
كل ده راح فين
تاه في المتاهات
ولا انداس تحت قضبان القطر المسرع
اللي بيجري ويقول توت
هات النبوت
يمكن أفوء
اضرب ضربة قويةمن أحلام كانت وردية
طلعت كوابيس
عمال ترسم بالألوان
فاكر نفسك إيه؟
زويل ولا درويش
طظ فيك وف كل مواهبك
كلها نزلت على مفيش
عايز تمشي؟
مش هقولك تاني أبدا
خدني معاك
يلا.....عزل من جوايا
خد قلبي.....خد حشايا
ماتسيبش حاجة
ماتقولش حاجة
حتى كلمة الوداع
مش هسمعها
قلبي خلاص مبقاش يتحمل
مش هاسمحلك
تقولي تاني
تعالي معايا
أو ياريت