بقلم/ آلاء جمال السيد
حنين بياخدنا ويجيبنا..يتوهنا هنا وهناك
بيوجعنا ..يغلبنا..يرسينا لبر هلاك
نحنّ لماضي كان فيه..الفرح بيتوّه الأشواك
دا كنّا لما يوم نحزن...نسارع زحمة الأفلاك
نواسي النفس بالنعمة..وتصبح تبقا زي ملاك
ياريت الدنيا تتبدل...وتبقا ياحالنا غير الحال
ياريت الناس دي لو تصحی...تشوف الأسوة والأهوال
ده غير ظلم وسواد حاطنا...ملانا سواد قلوبنا ياخال
ضماير عايمة عالماية...إيدين مش حاسة بالأغلال
بتتسلسل وتتقطع...وقلب صاحبها عمره ما مال
ماتنهض إن لاقاها الموت...ولا تهمس في وش المال
بيسرق عمرنا السكين...ولسه القلب ماشي شمال
يميل للي بيكسر فيه...
كفاية يا قلبي ظلمك طال !