عشق الشاى

بقلم/ أشرف الدعيدي

ليه ياآه فقلوبنا بتوّْجعينا
مابلاش ياآه وانتي طالعه تحرقينا
وليه ياآه منغصه علينا حياتنا
ومزوده معاكي ليه دايماً آهاتنا
ارحمينا ياآه وانتي بِتُخرجي
وليه في نارك دايماً بتعيشينا
ومهما كنتي ياآه بتتنهدي
محدش بينآ بيبقي داري
ولآ حتي حاسس يوم بحالنا
معذبانه ليه ياآه ليل نهار
والقلب منك تعب وإنهار
وليه ياآه احلي أيامنا بتسرقيها
بتدينا الأمل فاللي جاي وتعشمينا
ونستنا الأمل يجينآ
يوم واحد من غيرك ياآه
نلقاكي برضوا بتوهمينا
وتعذبي قلوبنا معاكي وتسبينا

ليه ياآاااه

حتي روحنا ياآه بنحس بيها
وانتي طالعه ها تسحبيها
وليه ياآه بتأسي علينا
وبتنهيداتك فقلوبنا بتحفريها
اوجاع ومرت من سنين بترجعيها
محفوره جواكي ياآه وما بتنسيها
وليه ياآه جوه قلوبنا بتحيرينا
ودايماً معاكي بتظلمينا
وبغدر الدنيا ليه ياآه بتفكرينا
ولظلم البشر جوانا بتألمينا
ولأيام جميله عدت ياآه بتحَسَّرِينا

ليه ياآه
بالفرح يوم ما بتفرحينا
ولمآ نفرح بأحزانآ ترجعي تذكرينا
خليتي ليه حياتنا عذاب ونار
روحي ياآه وكفايه علينا من مرار
وخلي الفرح يعرف يوم طريقنا
والضحكه ترجع تاني لبيوتنا
والدنيا ترضي ياآه علينا
والحبايب ترجعلنا وتسامحنا
وينور الحب تاني ياآه حياتنا
وننسي اللي فات ياآه من آهات
إحنا وحبايبنا ومعانا كل الذكريات