بقلم/ أشرف الدغيدي
يا أبو شامه ع الخدين
فجمالهم ماشافت عين
واللّؤلؤ بين صفين
وگإنك من حور العين
قوامك دلال وخفه
فالسمعه طهاره وعفه
والرمش ع الخدين سارح
لقلوب العشاق جارح
وجمالك وهبولك ربك
وكإنه اتخلقلك وحدك
ارحمني وارحم حالي
يا شاغلني وشاغل بالي
يا ابو غصن بان ملفوف
ومجنن قلوب الألوف
ارحمني ياجميل وكفايه
نار حبك لهيب جوايه
وارحمني وخبي عيونك
الكحل سحر ف جفونك
محتار ياجميل في وصفك
وطبع الحُسّْن اللي ف خدك
جنني حسنك وجمالك
وحروفي محتاره ف حالك
شوف إيه اللي عملتوا فيا
اول ماعنيك جت فعنيا
ويادوب عدآ يومين
حسيتهم حرمان سنتين
واجيب الصبر منين
عشان اتحمل بُعدك
والنار اللي هتكويني
ياحبيبي يوم قُربك
ارجوك طفي ناري
يامدوب قلبي ومش داري
اعملك ايه ياشاغلني
طَيَّرتْ النوم من عيني
وسَهَّرت عيني ليالي
وطيفك ماسايبني ف حالي
وسارق ياحبيبي نومي
ماهو دايماً مع أحلآمي
هو انت جاي تعذبني
ولا انت حبيبي وهتسعدني
يامجنن عقلي معاك
ومدوب قلبي هواك
ارحمني وبلاش تتعبني
الشوق والعشق قتلني
من قبل ما شوف عنيك
وليلاتي فحضني الٓاقيك
وياما بخيالي اتمنيت
وعمري فيوم مانسيت
اكون ورده بين شفايفك
ترويها ياحبيبي بشهدك
وأَدَّفْيٰ بلهيب نارك
يارتني قبله علي كاسك
ماتفارق ليلك ونهارك
ياحب العمر ومستنيك
بحناني وغرامي اسقيك