عشق الشاى

بقلم/ اشرف الدغيدي

حيران يا ليل وغيران ليه سهران وحدي
ومين مسهرني الليالي وشاغل وجدي

ومعذبني ليل ونهار وياه
وملوعني في حبه وهواه

وازاي أعشق حبيب لاحاسس ولا داري بيآ
وكل الليالي شايف دموعي في عنيآ

رديت عليه حبيته ياليل وكلي شوق وحنين
عشقته وهاسهر كل ليالي السنين

وهفضل صابر عمرى كله عليه
حبيبي وشغلني ياليل لَّمآ شوفت عنيه

وأملي فالقرب منه يفرحني ويهنيني معاه
ومهما البُعد عذبني ماقدرش ياليل أنساه

ولما طيفه يغيب عني يوم وينساني
بلآقي شوقي غصب عني ياليل بكاني
وأملي في حبيبي يحس بيا وبحالي

وعشان ياليل بحبه ودايب فيه
هفضل سهران الليالي عشان أرضيه

ولمآ ييجي هاعيش كل يوم عُمر في قربه
وهانسي ليالي العذاب والضنا في بُعده

حبيبي بعيد عني ياليل صحيح
بس طيفه عمره ماخلاَّ قلبي يوم جريح

بيفرحني وماقدرش أستغني عنه
يبقي إزاي أنام ياليل الليل ولآ أسهرشي
واسيب طيفه وانام ازاي لا ماقدرشي

ما انا باسهر ياليل الليل عشان أستناه
يزورني ويخفف عني عذاب حبه ونجواه

ويفضل طول الليل سهران يواسيني
ويحلفلي ان حبيبي فاكرني ومش ناسيني

ومهما عانيت ياليل من السهر وآسيت....
ماقدرش أحب حد غير حبيبي تاني
حبيته صدفه وغصب عني أسير حبه بقيت

وحكاية حبي ياليل حكايه غريبه وشغلاني
حكايه ماخطرتش يوم واحد كان علي بالي

ماعرفش ازاي سحرتني عنيه وحبيته
وماعرفش إزاي وإمته عشقت أنا طيفه

وازاي دوبني في غرامه بنظرة من عنيه
وبقيت ملهوف كده ليلاتي ياليل عليه

ومهما مرت من سنين هاسهر عشانه
مايهونش عليا أنام واتحرم من ليله حنانه

ومهما بعدت الأيام بينا ياليل والمسافات
هاستناه ييجيني وينسيني كل الآهات

ماهو طيفه بالحب ياما وعدني
وصدقته ياليل لَّما بالحب حلفلي
حبيبي ليآ والأماني هاتتحققلي

واشوف حبيبي بتوب الفرح سهرآن معايا
وفالحب والغرام هيمآن ليلآتي ياليل ويآيآ
والفرح والهنا هايعيش جواه وجوايا

ومن حنانه وحبه وهواه هيسقيني
ومهما طال انتظاري هييجي حبيبي وهيهنيني