بقلم/ احمدعبدالحق
اللي بيني وبينك
مش كلمتين اسف
اوبطاقة اعتذار
مش مهم مين هيبدا
ومين يتاسف لمين
أصعب من ده كله
هي لحظه انتظار
وعشان تحسي برقتي
لازم تتكوي بالنار
وعشان تمشي سكتي
اتعلمي
افهمي
مهما طال الليل
هيجي بعده نهار
وعشان نشيل الشوك
نحس بالازهار
كفايه بعد وشوق
كفايه عند وفوق
بلاش نهايه حب
يادوب اسف بالورد
او رساله باعتذار
اخرة كلامي هقولك
عشان تخشي جنتي
لازم تلعبي بالنار