بقلم / رمضان العلالقة
متخافيش م الدنيا لسه
الٱمال مبتنتهيش
كل دقة ف قلبي حاسة
و اللي فات ميهمنيش
ارضيت أمشي ف طريقي
ف الليالي مهما كان
اشكي و الشكوى الحقيقي
الفراق قبل الٱوان
ليه يغير من طموحي
و ابقى أقولك يعني إيه
بعد ما جددت روحي
ناوية جرح تاني ليه
يعني أقول لمين وحشني
بعد منك مش هقول
حد غيرك مش حاسسني
خلي ليلي معاك يطول
أرجعي نعيش جرح واقع
فيه أنين بس بإرادة
كله أصبح فيه مواجع
و الفراق من نار زيادة
مش هنقدر شوك طريقنا
صعب مزروع شوك كبير
و الأنين مش هيفارقنا
الحياة أصعب كتير
صدقيني صعب جدا
الحياة من غير حبيب
و لا غاوية البعد عمدا
راضية بالوقت العصيب
نفسي نهرب من حياتنا
نمشي عالم فيه خلود
و اللي غير من ثباتنا
الٱهات من غير حدود
يلا نطلع فوق و نحلم
عند أبراج النجوم
نحضن الأحلام و نسلم
م المواجع و الهموم
عانقي حبي بين ضلوعك
و اصعدي عند الكواكب
لو سحاب حاول يحوشك
قولي عالم مش مناسب