عشق الشاى

بقلم/ علي عسكر

فاكر ياصاحبي لما اتفقنا
نحمي ترابها وأرضها
ومن نورها نعرف طريقنا
ونكون شبابها وضلها

فاكر ياصاحبي لما وافقنا
منمتش الا في حضنها
منمتش الا مانعدل بايدنا صفها
منمتش الا مانحفظ بيوتها وعرضها
لكن ياصاحبي
لقيتك !! انت مت قبلي
وسيبتلي حمل أمنها
وشوفت ابتسامتك ماليه وشك
بتقولي رجع حقها
بتقولي متمتش الا وانت واقف
وجايب في ايدك مهرها

فاكر ياصاحبي
لما مت وسيبتني وسيبتلي تركة ووصيه
لما قولت في نصها اوعاك تفوت مأموريه
اوعاك تسامح في اللي باعها
اوعاك تسامح في القضية
او تشغلك عنها المهية
وتتشغل وتقول حياتي .. مراتي .. أمي
عاوز اعيش زي اللي عايشينها
دول ياصاحبي ماتوا وناسينها ومش فاكرينها
لكن احنا منها
فاهم ياصحبي
اوعاك تموت غير واخر رصاصة في خزنتك
تبقي الخلاصه ومصير لكل المجرمين
ساعتها هتخلص رحلتك
زي ماخلصت رحلتي وضحكتي
في دفاعي عن بلدي سنين
وهتبقي معايا ياصاحبي
ونبدأ من تاني رحلتنا
في أخرتنا احنا الاتنين

زي يوم ماتخرجنا
وعمر الموت مافرقنا
نموت .. والظاهر ده قدرنا
وفي الجنه مكتوبه أسمائنا