عشق الشاى

بقلم الشاعر/  أشرف الدغيدي

انا وحبيبي سهاري ياليل لوحدنا..

والقمر سهران معانا شاهد علي حبنا..

حتي البلابل والطيور كلها هجرت عشها

طايرين وعاملين قلوب جميله فالسما

وارواحنا فرحانه بترقص جوا قلوبهم والكل فرحان لنا

وكل براعم الزهور فتحت لليلة حب عمرنا

وقلوبنا انا وحبيبي فالعشق دايبين ومش داريين

الليله ليلتي انا وحبيبتي وفالغرام تايهين..

حبنا مدفينا والعشق جنون في قلوبنا

عايشين ف جنه جميله ومتوهاعقولنا

ياليل خلي القمر يوصي النجوم تقيد للعشاق شموع الحب والأفراح.

وبين نجمه والتانيه ورود الحب والزينه متعلقه...

وقلوبنا فرحانه للحب عطشانه متشوقه..

والعيون خاصمها النوم وويآ القمر ونجومه سهرانه.

وحبيبي جوه حضني وقلوبنا بالحب دفيانه...

ناسيين كل ماكان بينا من خصام وجراح...

حبايب عشاق من غيرألم وآهات وكله راح..

وأمانه ياليل ماتغيب لحظه واحده عننا...

خليني أنا وحبيبي نقول للحب احلي كلام...

ونعيش ليلة حب بالف ليله يحكوا عنها العشاق ويتمنوها ف الأحلام

خليني ياليل اتوه في بستان حبيبي أطبع الورد علي كل حته فيه..

عطشان ياليل لحنان حبيبي ومغرقني سحر عنيه..

الشوق كاويني كإنه غايب عني من سنين

اعمل ايه في حسنه وجماله كل ماشرب من حنانه بازيد حنين...

واحس نفسي عطشان لشهده كإني اول مره اشوفه ومشتاق إليه.

يارب خليلي حبيبي ونور عيوني وباركلي فيه..

يسعدني ويهنيني وحبي وحناني يسعده ويهنيه..

وفرح قلوب كل الأحبه من البشر وحبك وحنانك للكل إعطيه