أبني و على في البنيان
مش هنسلم للشيطان
بالأنوار راح يهرب منها
نزرع فيها أجمل بستان
سيبك م اللي يجرح فيها
لو مال قلبه بحب عليها
كان من نبع حنان يرويها
راح نحميها من الطغيان
عمر و أزرع فوق التل
تطرح ورد و تطرح فل
أبني مدينة و ألف محل
و الأجيال هتعيش في أمان
شق طريق في الصحرا جديد
يلا معاك و الأيد في الأيد
و الأمجاد تكبر و نعيد
مجد أجداد في بلادنا زمان
الشيطان ما يأثر فينا
إحنا معاك هنطهر سينا
من أطماع الحقد علينا
حان الوقت و حل ٱوان
الأبطال حالفين نحميها
من شريينا راح نرويها
نفرد راية و نسر عليها
و يغطيها أجمل فستان
جيش بيعمر يحمي حدود
أبطال جد نسور و أسود
ألف تحية عليك و وردود
أيوه ولادنا دول شجعان
كمل و إنتج صدر غاز
بالإصرار على دا إلإعجاز
و اللي بينكر في الإنجاز
بكره طبيعي الحق يبان