عشق الشاى

بقلم/ جمان مقبل

احنا اسرة عايشة شحط
لا لنا حقوق ولا لنا بخت

الدنيا بسوء نهج اللي ماسكينها
مهمشانا كأن احنا اللي ظالمينها

بس بيدرسولنا في المدارس
كان الخليفة عمر للعدل حارس

وكأن الدرس ميلزموش تطبيق
وسايبينا احنا واللي زينا فحريق

الفقر بينهشنا والدين بيذلنا
والناس مهم مش ناقصين عكننة

طب صدى صوتنا هيروح فين
ولا حد سامع مالمسئولين؟

الناس كارهة تعيش عوالة
طب ليه في كتير قوي بطالة؟

انا في مني نسخ كتير
وسط شعوب الوطن الكبير

خبزنا بالدين يما مفيش
واللقمة يا دوب متكفيش

صاحب البيت بالأجرة يطالب
والوقت بيجري في السالب

حقنا عالخزنة في الراتب
منحوسة حياتنا وبنقالب

والصحة تملـي بتتأخـر
والعقـل أكـيـد هيتأثّـر

حالة مختلفة عن الكل
لازم تتخصص في سجل