بقلم/ حسام غنيم
يللى شيطانك غرك فى يوم
وفاكرإن غرورك هايدوم
بنظرة شؤم وعمل مجنون
لوطن محروس بقلوب تدوم
من جيل لجيل يسلموا راية الخلود
بحب وفدا لأم جوا الجفون بتقول
لكل غادر وماكر هنا وخلف الحدود
دولا ولاد للقبور زهور
مايهابوا موت والشهادة بدعائهم
مابتغيب يوم عن صلاتهم
بقين جوا قلوبهم
وعقيدة دين بتجمعهم
وحب وطن مرسوم على جبينهم
ما بصوا يوم للون بشرتهم
لما الشمس بتحرقها
وهما بالصحرا بيلبوا جهاد حفظ وطنهم
من شر دابة فاكرة إنها هاتكسر عزيمتنا
وتحطم حضارة حيرت كل الدنيا منا
وروح شهداء لحد اليوم
مابعدوا عن أراضيها وربوعها
حارسين بفضل الله عليهم
بشهادة نورت الدنيا حواليهم
لولاد إستلموا الراية من إيديهم
بجنة الخلد ليهم
يوم ما رب كريم بيكم
ينعم عليكم بشهادة فدا لوطنكم
وتبقوا زينا طايرين فى السما
تشوفوا الهنا بين إيديكم
وولاد ليكم بدروب جبالها
بتهاب صوتهم وهما بيكبروا لله
ونسورهم بالسما فوق روسهم
تحرسهم
وجوا الصحرا بلون توبهم
وعلى البحر أبوموج عالى
ماسابوا شبر لخاين يدنس ترابها
مين يقدر علينا طول ما ربنا كرمها
بخيرة أجناد الدنيا
حتى منهم قائدها ماشى بثقه بربه
بعمل وخطى مايهاب غيره
وحب شعبه حارسه من شر اللى حوالينا
زى ماقال حبيبنا وذكر بالقرآن بأمنها
لكل اللى جاى من بعيد يشوف حضارتها
ويحكى عن جمال الله فيها
دى مصر يللى شيطانك غرك