سهرانه الليل للصبح وحدي
واملي حبيبي يجيني يفرحني
دا الليل في بعد حبيبي معذبني
وذكري قربه الحلوه مابتسبني
دي حياتي من غيره ماليها معني
ولحضن حبيبي أبداً ما استغني
لو هفضل طول عمري سهرانه
في بعده ماراح اكون ندمانه
هستني حبيب عمري ليل ونهار
والفكر عليه مشغول محتار
من يوم مااتغرب حتي يجيني
واشبع من حضن حبيبي ويدفيني
دا الحب في بعد حبيبي تاعبني
وملوع قلبي معاه وكاويني
وليالي حنان قربه وغرامه
ماسبتني لحظه في غيابه
ووداني علي طول سامعه كلامه
وقلبي بيرقص ويرفرف بحروفه
وباعد ليلاتي وحدي نجوم الليل
وبارسل لحبيبي علي طول مراسيل
وبابعتله مع كل نجمه اشواقي
هو انا ليا غيره ما هو حبيبي
وم الدنيا الحلوه كان هو نصيبي
ياحبيبي تعلالي أوام وكفايه
راحت ليالي كتير حلوه معايه
ياحبيبي لحبك وغرامك مشتاقه
وفي بعدك ليل ونهار مش عايشه
سيبك م الغربه ياحبيبي وتعالي
وكفايه الحب علينا يهنينا
وغرامنا هيسعدنا ويكفينا
دى الغربه ياحبيبي مليانه عذاب
وحياتي عندك ماتطول وكفايه غياب
خلينا نعيش ايامنا ياحبيبي اجمل احباب