بقلم/ اشرف الدغيدي
يامعذبني و شاغل بالي
ولآ داري يوم باللي جرالي
طبعك تاعبني ومعذبني
وليل ونهار بفكر فيك وواحشني
وهواك ملوعني و كاويني
ومحيرني دايماً في حالك
مين ياحبيبي اللي شاغل كده بالك
مره احس انك شاريني
ومرات اخاف منك تكون بايعني
يامفرقين الأحباب
ليه تأسوا عليهم في الغياب
وتخلوا قلوبهم عايشه اغراب
وبالبعد تعذبوهم وبالفراق
وبعد مالقلوب كواها الغرام
صعب تفرقهم تاني الأيام
قالولي الحب ناره عذاب ومرار
وشوق ولوعه ليل ونهار
قلتلهم بس طبع الهوى غلاب
وناديت ياأهل الهوي
ازاي هنعيش سوا
في الدنيا علي طول احباب
وللعشق ياما سهرنا الليل
وشوفنا منه عذاب وويل
وعمر القلب عن الهوى ماتاب
وليه نتعذب من حبايبنا
من غير مايكون فيه اسباب
وليه تتوه القلوب من كتر العتاب
وليه نعيش مغلوب علي امرنا
ونخلي الخصام يسرق عمرنا
وطبع الهوي يكون غالبنا
ومسهرنا الليالي في القرب وفي البعاد
ومن ظلم العوازل والحساد
بيروح مننا الأمل والمراد
وليه نشرب المر منهم كاسات
واللوعه تكوينا ونشكى من الألآهات
ولا حاسين بالدنيا من عذاب قلوبنا
ولا بيرحمونا ولآبيرحموا دموع عيونا
والأيام والسنين بتاخدنا وتودينا
وبتلعب الدنيا علينا وبينا
واحنا عايشين بعاد في عذاب