ياطيور علي الأرض وطايره
وياقمر الليل والأحباب
ويانجوم مخفيه وظاهره
في السما وبين السحاب
يازهور الجناين وورد البساتين
لو شوفتوا حبيبي طمنوني عليه
نور عيني وغايب عني من يومين
فاتوا عليا سنه وعليهم كمان سنتين
لا قادر أتنفس ولا قادر أعيش من غيره
ولا قادر اتحمل انا وقلبي لحظه في غيابه
ولا قادر أنسي سحر عنيه الحلويين
يازهور من أنفاس حبيبي متعطره
ويانسمه من عبير حبيبي فايحه ومزَهَّره
هاتولي من أنفاس حبيبي وتعالو
خلّو قلبي المشتاق لعنيه تملآه الأفراح
ويهدآ شويه عليآ ودقاته ترتاح
ويريح بالي اللي عايش من غيره ليالي سواح
وأمانه عليكم وانتو بتوصفو له حالي
قولولو النوم من عيني رآح في بُعده ليالي
وإحكولو عن شوقي وحنيني واللِّي جرالي
لمآ حبيبي ونور عيني يومين يادوب غاب
ولو غاب عني تاني لمين الشكوي والعتاب
ده هو حياتي وروح قلبي وكل كياني
وحرماني وغيابه عني ياناس ضناني
وعقلي مني غاب ونسيت وياه إسمي وعنواني
اترجوه ياخلق هووه وخلّْوه يطمني عن حالي معاه
وياتري جراله في غيابي زى ماجرالي وياه
وعلي نور عيني طمنوني وطمنو قلبي الملهوف عليه
ولو كان إحساسه بيآ زي إحساسي بيه
هيبقي حب وغرام الدنيا اتخلق فقلبي لييه
وماكان زيه فقلوب العاشقين ولا فالدنيا له مثيل
ده حب وغرام ياما سمعت عنه في حياتي كتير
لكن كله كان مكتوب في كُتب عشق الأساطير
أصل عيون حبيبي لماّ جت في عيني
علي طول سحروني ورموشهم دوبوني
وخطفوني لبعييد وهناك خدوني
لحب إحساسه جميل وتوهوني
مكنتش اعرف ان الحب احساسه جميل بالشكل ده
ولآ كنت أتخيل فيه انسان كان ممكن يتحب كده
آه لو كنت تعرف ياحبيبي حبك وغرامك عملوا إيه فيآ
خلّوني باعيش أيامي في جنه ومش حاسس بالدنيآ ديآ
وكإني طير وطاير زي الطيور في السمآ
ومن يوم ماشوفتك وصورتك مطبوعه ف عيني وفكل مكان
وحاسس بيك وبحبك وكإنك عايش جوايا من زمان
وخيالك قدامي وف عيني مفارقني ليل ونهار
خليت البال والفكر ياروح قلبي في حبك تايه محتار
حتي ابتسامتك ياحبيبي شايفها في وجوه كل البشر
وحروف اسمك بعيني بشوفها مكتوبه علي اوراق كل الشجر
الله علي حبك ياحبيبي الله عليه ياأحلي حب في الدنيا وياأجمل قدر