بقلم/ حسام غنيم
حكاية ورا حكاية
من تاريخ البشرية علامة
بعيون كل مصرى دلالة
لكل اللى شايفه إنه من أرض الكنانه
تاريح منقوش بحروف ولادنا
بجيش عظيم غيروا الدنيا حوالينا
ببطولات مالها نهاية
بشهدا كل يوم آية
تهدى طريق بدم سال فداها
لوليد جاى بكرة
يقرا ويقرا الرسالة
بروحه وهى طايرة
بنشيد حب وطنها
وتقوله بحكى أن
شباب العمر بجنة
بروح حب الوطن عايشة
بفضل الله عليها
بشهادة لله دعينا
وإتكرم وإستجاب دعا عنينا
وإحنا بندافع عن وطنا فى كل الدنيا
مانخاف غير الله
وقدسية عمل فدا لأهالينا
من شر كل اللى ناسي مين جيشنا
وقوة عزيمة ولادنا
بقاع البحور موجدين قروش بتثور
بوجه اللى يقرب من حدودها
وبالسما صقور طايرة حواليها
تلمح كل شارد فاكرإنه متدارى
عن عيونها
وبالبر دولا حكاية تانية
تدب الرجل بالأرض قوية
وعلى الجبال أغنية
تزلزل الأرض حوليهم
بصوت أسود عالم تانى
ماشافت الدنيا ليهم خطوة
بروحنا وهى حوليهم حارسة
وتنور خطى ليهم بصحرا ظلمة
وقائد قدامهم حكاية
مايهمه غير رضا ربه
ساعة الفجرية بسجده لله
تحفظه وتحرسه بدنياه
وتقوى عزيمة بثقة بالله
بحمل كبير وشعب وياه
دا شرف لي إنه رئيسى
وحرك حروفى ليه
من ثقة وحب فيه
راجل مايهاب غير الله
ومهما يقولوا عنه
ماشى بخطى ويا شعبه
لقدام ...وبكرة أحلى
شرقت شمسه بجيل جديد
حمل راية الكفاح من أجل أهله
بكل اللى الدنيا بتشوفوه
بنهضة عمار على أرضه
وصلت رسالتى يابن وطنى.