والله والشعر شاب ياخال
والضهر داب ومال
والعمر عدى زى الخيال
طول عمرك شايل هم العيال
ومستنى راحة البال
ولما كبروا
برضو شايل هم الرجال
سنين وصابر زى الجمال
ياما لفيت بلاد وجبال
ونحت فى الصخر مفيش مُحال
والأيام بتجرى زى النبال
تخبط الرجل زى الغزال
والعمر عدى وبقيت خيال
وتسند الجسم من الهزال
وتخفى وجعك من العيال
والله والشعر شاب يا خال
سنين ومرت زى الثوانى
حنين ومُر زى الأغانى
عايش وتتمنى عُمر تانى
والأخره هتبقى شكل تانى
أوعى لنفسك تبقى جانى
حاسبها مره لو ثوانى
الجنه .عملك مش بالأمانى
والجسم يشهد لو أنتْ جانى
والله والشعر شاب يا خال
والعمر عدى زى الخيال