انا وفنجان القهوة اشخاص من زمن تانى
طول عمره صاحبى وأمانى وصديقى فى كل كتاباتى
انا وفنجان القهوه بنتعذب يوماتى
علشان فتاة احلام مهياش موجوده
قالى متيجى نوصفها
قولت دى فكره والله بالمره نقصر المشوار
من هنا ابتدى الحوار
وعملى صحفى بسلامته
قالى ممكن لو سمحت نكتب وصف فى الجورنال
وابتدى فى شغل الصحافه
س/تحب تكون بتلبس ايه
كان ردى جاهز ساعتها قولتله
قلبظ بجنيه شيبسى وكراتيه واى حاجه ايه
قالى ممكن نتكلم جد
قولتله مش لاقى فى وصفها حد
قالى بخصوص الهزار
قولتله على حسب الحوار
يعنى مش واحنا بنتكلم فى السياسه
تقولى بخ وتقولى طار
اكيد على حسب الحوار
تبقى عارفه مشاعرى وفهمانى
حتى بدون ما اقول كلامى
قالى ممكن اخر سؤال
ممكن توصفلى الجمال
قولتله .دا شئ موجود معانا فى كل وقت وفى كل لحظه
جمالها قلب ربانى
مش مهم عندى شكل برانى
والا ماكنتش حبيت نهائى
الحب ما بيعرفش شكل
الحب اعمى ملوش عنين
بتحب حاجه جوه منها مش عارف شايفها منين
الحب اسمى حكايه وروايه
تتكتب للعاشقين
تتكتب للذكريات
فين هى دى .فين هى دى .فينك يا ست البنات