عشق الشاى

بقلم أ / عبد الرحمن فتحي الحناوي 
شهدا هنا جرحي هناك *
قلبي هنا لكن معاك *
دمي هنا دمك هناك *
مصري أنا دايما معاك *
شيل الضني مجروح هناك *
دي القنبلة جاية وراك *
أهل البلد كانوا هناك *
بعد الضرب شافوا الهلاك *
والدم سايل عا التراك *
نار من هنا نار من هناك *
دخان سما احمي حماك *
آه ياعرب فين الحراك *
فيه ف اليمن علة هناك *
وجوا الشام داير عراك *
وعالحدود ناخد عزاك *
كل دولة فيها اشتباك *
حتي ف ليبيا قتل وسفاك *
دي فلسطين بتترجاك *
هات لها كل بطل وياك *
اوعي يهمك م (الشاباك ) *
سلاحي معايا انا باستناك *
وشمسي ورايا أهي شايفاك *
آدي النصر وصوته ناداك *
ورفع راسك قوي خلاك *
بطل الساحة ما أحلاك *
دافع واضرب عدو نساك *
تنسي ازاي والحق معاك *
خلي الأرض تقول لسماك *
انتا الحر واللي معاك *
انصب يلا فخ شراك *
للي ضربك واللي آذاك *
عدوك جاي بسلاح فتاك *
ياخد أرضك ما هو خلاك *
تشرب كاس ذُلك وأساك * ( ذلك : بضم الذال )
اعمل حاجة الكل وراك *
شعب بلادك أهو حياك *
وقال لوطننا احنا فداك *
وبكرة إيد ربنا ترعاك *