بقلم/ عبدالحميد الفقي
وجودك جنبى بيحيينى
بيدينى
احلى معانى لسنينى
و يغنينى
عن كل شئ حواليا
وعينيه
بتشوف بعينيك الدنيا
والغنوه
من بين شفايفك ليها معنى
واشمعنى
كل الناس سواسيه
وانت لوحدك
عالم حنيه
بتاخدنى معاك
لحضن هواك
ولا يوم حسيت
انى لوحديه
احساسى معاك
حاجه تانيه
ليه معنى
عمرى ما حسيته
ولا عيشته
غير بوجودك
وحدودك
هى كل حياتى
وأهاتى
بنساها فــ ثانيه
لما ايديك
تلمس ايديا
وقلبى يدق فــ قلبك
انا عمرى قابلك
كان سطرين
احكيهم فى كلمه
وحرفين
دلوقت عمرى
كله امانى
وحكاوى
وبيوت اشعار
وغناوى
انا كنت ناوى
ما دوق الحب
ولا أحتار
دلوقت أتمنى
ارجع من تانى
وأكمل بيك المشوار
واعلن للعالم
ان حبك
احلى الأقدار