بقلم/ أسامة عبد القادر
على فين رايحين يا قلبي
وعلى فين مودينا ؟
ده اللي انكتب فيك
ليه مش سائل فينا ؟
لاعتاب نافع معاه
ولا ذكرى شايلها لينا
هو ده الحب إيه ؟
قولي على معناته
إن إحنا نعاني بس
طول حياتي وحياته
ليه رافضه الإجابه ؟
وقلبك شايل أسيه
ولا انتي مستكتره
حبك وقلبك عليا
طب ليه تكوني كده ؟
يا أملي اللي بنيته
وليه تعملي كده ؟
وانا اللي شاريكي
وحاطط كل أملي
على ابتسامة عنيكي
حرام يروح حبنا
وغلبت أنده عليه
ولو تفتحي قلبك
هتلاقي صورتي فيه
عيشي يالله هوانا
واتنسمي روايحه
هتلاقي وردك صحي
وترجع تاني فرايحه
ده انتي مقامك غالي
ياحلوتي تعالي ...