عشق الشاى

بقلم/ مسعد سليم

متخفي ليه وبتهدر ف دمنا
أجرمنا ف ايه .. لتنتقم مننا
فين الرحمه فين الاحساس
لا انت اخونا ولا انت ابننا

هنا وهناك ...... نازل تفجير
ولبلدك ما بتعمل ....... خير
زرعك طرحه .. كله خراب
وفكرك سارح .. ف التدمير

لا رحمت شيخ ... ولا صبي
ولا بدين إتأثرت ولا بنبي
غرقانه إيديك ف بحور دم
يا أكبر ظالم على كوكبي

اللى قتلته دا يبقى شهيد
في الجنه هيشوف العيد
ياللي بتروي .. شجر العنف
طريق الشر نهايته حريق

إمسحي دموعك .. يا بهيه
وإستعدي لفرحه .... جايه
حق ولادك .. مش هيضيع
وحياتك ..... يا غاليه عليا

وحياة نيلك .... وقمر ليلك
هنرفع رايتك ..... ونغنيلك
ونطهر أرضك .. م الارهاب
و إيدينا تنور ..... قناديلك