بتقولي عتاب
العتاب خلاص أنتهي
وأوراقة دابت
وصوره وقعت
وملامحه غابت
عاوز تعافر مع الزمن
وترجع كما كان
أسكت بلاش هبل
وكلام زي العيال
راجع دفاتر الزمن
ماهو وقف قضبانه
ولو قدرت تظبطه
اوعدك اني هعود لمكانه
بتحاول تكافئ دمعتي
اوعي تصدق نفسك
انت خسرت فرشتي
وعقلة كانت بها
خاتم حياته
كفاية ....
كفاية تعود لأسمك
اللي فقدته من عشر سنين
ده لو كان زي ماهو
أو داست عليه السنين
بتقولي انتي بتلعبي بقلبي
قلب مين اللي بتقول عليه
هو انت كنت تعرفه
والا تعرف مكانه
وقع من حساباتك
يوم ماكنت بتدور علي
راحه بالك
المال غير بصمتك
وخلاك واحد تاني
يوم تبوس و يوم تدوس
ويوم تكسر عظامه
اياك المحك وألمح خيالك
يمكن كمان تخسره
زي ماخسرت خيالي
اللي كنت هتموت عليه
وعلي أيامه
فاكر .....
فاكر لما ناديت عليه
وسط الزحام
والناس نايمه
وملامح الشارع فقدت السلام
يومها رديت عليك
لما كنت خايفة عليك
بس ياريت سيبتك ليهم
ولا بصيت في عينيك
فاكر .....
فاكر لما تمنيت اطفال
يشيلوا اسمك
وعيونك ورسمك
ويكونوا ظهر لسيدتك
بس انا النهاردة فرحانه
اني غبت عنك
وعن دفتر كنت همضي
فيه نهاية حياتي
وحياة ارواح خسارة تكون منك
كفاية ....
كفاية ترمي همومك ورايا
وأنا احلها
كفاية أبرد نارك
وانت تحرق في دمها
كفاية أشيل اهمالك واتحمله
وانت تجري ورا شهواتك
وأنا في طريقي لوحدي اكمله
كفاية ارجوك ارجع
أنا مش انا
أنا حد تاني مش ليك
اسما وصفا و وشخصية
مش عبده تحت رجليك