بقلم ا/ محمد عباس
( ارجوك بلاش كفاية .. ما ضاع تعبى وشجايا )
حلمى خدوه منى .. فى ثورة منتهايا
ارجوك بلاش ياسيدى ...الحل مش فى ايدى ..
مين صانع قرارى..اسعار زادت فى نارى
..قرارات مرت كتار .. وعيشة صارت مرار.
قوانين مست وريدى .اقنعنى وخد بايدى
.صحوة قهر بضلوعى .. وجوع زلزل ربوعى.
.وارضى بتضيع لغيرى .وغمامة بتغمى عينى
.كفاية ارجوك ياسيدى . سلسال الدم سارى
. ... انفاق مشاريع.كبارى ...قروض وديون تلالى ..
ازمة ضمير سدود . ..دراسة جدوى وحدود ..
ويصب فى مصلحة المواطن .. ومين ؟ وفين المواطن ؟
ازاى تقول حبيبى ....وحاطط ايديك فى جيبى ..
وبتسرق مالى ودارى ... والرشوة صارت امانى ..
ملايين ضاعت امامى .. والحل يا واد يا نامى ..
اوعى تكون انانى ...باصى لاخوك هريدى ..
انقذ عمرى ولهيبى.. عندك املاك وغانى .
..وتقول عنى اغانى ..وتخصم منى تانى
الله اكبر عليك .. بنشرب ماية مجارى
سلمت الامر ليك ..يارب على كل شانى
..وبرضه الامر جارى . ودموع فقير وحالى
ثراء بثراء بيعلى .. وفقير محتاس وفانى
... هنموت م العطش يا خالى .. ولاكلمة تطفى نارى
.. حكمة وزمان قالوهالى ..اطعم الفم يا غالى .
. واللى ميشفش حلمى . يبقى اعمى وخالى
وراضى بنصيبى وحالى ........وبكره العمرسارى
مادمت قدرى ونصيبى ..اكيد عمى وسيدى
والعصمة زمان فى ايدى
ولاعارف مين حبيبى
. واحوالى اتبدلت
وظروفى اتكدرت
بكرة اللى جاى احلى والعيشة والحياة
ناخد من العمر لحظة اخلاص للاله
ومسيرنا بكرة نندم ضيعنا كل جاه