أنا ف.الصيام
آخر تمام
راحه حلوه
وانسجام
إوعى تقولي
الدنيا حر
والحلق ناشف
وطعمه مر
هوه أول يوم تعبت
صبرت حبه
وع.المغارب
شربت ميه حتى دبت
بس حسيت بانتصاري
وافتخاري بإني صمت
واستجبت لربنا
في دعوته وهي فرض
وصدفه إنه أول يوم
من شهر الصوم المعتبر
كان عن الميه مفيش خبر
وأكدوا إنها قاطعه
هتقطع كتير ومش راجعه
حمدنا ربنا الكريم
على نعمة الصوم العظيم
إدانا صبر
إدانا تقوى
مع التحمل للمشقه
وبكده ناخد العبره ...