نفسي أبعد عن خليجك
عن بحورك عن شطوطك
عن شمالك أو جنوبك
عن شروقك أو غروبك
نفسي اقلع ثوبي واهرب
عن حدودك
نفسي اشطب حرف باهت
نفسي أبعد عن دروبك
والله تاه الحلم فيكي
والله مات أصبح عدم
واللي باقي حملي بيكي
يعني ايه كلمة عرب؟
والله ماعرف ايه تكون
ده الحروف ملهاش وجود
حتى صوت الخوف سكوت
والسجود شرع اتكتب
للفرس والله و للعجم
واللى ضاع حق الشعوب
والله زاد ظلم البشر
فى الجزائر كااااااااام شهيد
على ارض تونس واليمن
فى العراق ودمشق ليبيا إحتلال
واللى طامع ف الريال
والدولار والعيال بالجوع بتصرخ
م الفجور والتاريخ كاتب سطور
كااااااااام مشرد أو جريح
كااااااااام يتيم باكي بدموع
اه يا أمة مسخرة راحل انا
وكفاية عهر ومنظرة
حبة حروف متبحطرة
ملهاش وجود واه يا صوت
مالوش مدي اه يامة منظرة
اه يا أمة منظرة القدس ضاعت مننا
-----------------------------