لمة عيله بفرحة كبيرة
ويه اذان محمد رفعت
الله اكبر
ضحكة طفل بفرحة بيمسك بالفوانيس
زينه ونور وبنات بتدور
وحوي يا وحوي بعد فطار
وليالي رمضان
فيها الخير بعد صيام
تمر خشاف والعرق السوس
شد زرار النور فى فانوس
والعب أجري أيام تجري
يا ريت بتهدي والعب وافرح
لما لمحة الفرحة في عين
آدم ابني
كنت فى سنه وبالعب زيه
وبجري وبفرح
لما أذان المغرب يدن
بصوت الشيخ محمد رفعت
كان الخير فى قلوب الناس فيها براءة
وخير بزيادة وكل سعادة
بس زمانك آدم شارب بالاوجاع
شد زرارك وافتح نورك
وارسم بسمه في خدي تنور
ارقص وافرح اوعك تطفي فنوسك نور
لسه ظلام الليل الساكن لسه بيسكن
فوق احبال الزينه ف شارع
حلمة بنور الفجر الطالع بالاشواق
ع الإمساك ويخلص يوم ونبدأ يوم
فوق أحلام الليل الراجع
ويقوم آدم فرحان جاري
ويه أذان المغرب تاني
يشرب تمر الهند الساقع
بعد أدان محمد رفعت
آدم يفرح
وانا من بسمة عينه انا بفرح
شد زرار النور الطالع والعب وافرح
العب وافرح
-----------------------------------