-----------------------------------------
عشانك بس ومسلم وأقول مكتوب
يخونك فجرك الباهت واعيش مغلوب
ويرجع حلمك الباعد على جدارك
وتفضل صورة بالمقلوب
وانا المسلوب على دروبك
قصير اليد
ويخلص حلم ايامك ويرجع حلم
فى فصولك على دربك هنا مشنوق
-------------------------------------
يا لعنة ليل هنا طول ماعدشي نهار
وصوت الناي وبيقسم على بركان
وقايد نار وتتقطع هنا الأوتار
وطير صارخ من الإعصار
ماعدشي ليا م الأحلام
ولا الأيام ولا مالك زمام حضنك
ولا قادر على جيتار اعزف
عشان مقطوعه فيه الأوتار
ولا مالك بأيدي قرار
-----------------------------
واه يا غروب على خدك
بيصرخ حزن م الأيام
وسهرانة ولا جفنك في يوم بينام
ومكلومه ومصدومه
في ليل قاتل ورود كانت
بترسم فجرك الباهت
بريشة ضؤ وبترسم
ع الجدارالوان
مع شمس الشروق وخضار
--------------------------------
لكن ليلك هنا مكتوب
وساكن غربك التاية
وترجع ع الجدار صورتك
وترجع صورة بلمقلوب واقول مكتوب
أعيش ليلك وانا محني
على دربي وانا مهزوم
واه يا غيوم ومليانه سماكي غيوم
-----------------------------------
وليل حالك ضياع مرسوم
على جدارك واجمع باقي اوتارك
بصبر وشوق لكن شايف
على جزوعك ضياع أملي
حقيقي رخيص هنا ثمني
وانا المرفوع على جزع الألم مشنوق
ويرجع تاني اعصارك
على جدارك هنا صورتي مع صورتك
وترجع تاني بالمقلوب