لي أمنية
فى كل دعوة ليا
من قبل ما أشوف دنيتك
لرب كريم قوي
رحيم كريم بكل رجاء ليه
رغم قلة حيلتى
وضعف حالى ياما بكانى
إن يجى اليوم وأكون قدامك
حتى لو ثوانى
قدام عيون محيرانى
بنظرة شجن من عالم تانى
خوف من بكرة
مع إنك شوفته بكل همسة
همستها روحى ليك فى أحلامك
حتى وإنت بين كل خلانك
اللى شايفينك جسد
ونسوا روحك وهى فى أحضانى
ترسم كل أحلامى
بحب كبير رغم ضعف حالى
وتضحك والدموع على خدودها سايلة تكوى
بس هى الفرحة
ترسمها على الشفايف وإن كان الوجع بيها
دا حب عمرها بين عنيها
وإن كان كل اللى حواليها
ماشافوا ضحكة عنيها
لما قابلت حب ياما إتمنت يكون بين إيديها
بعد حزن ووحدة بين أهل ليها
عمرهم ماحسوا بيها
بس وحياتك يا هدية ربى
وروح إم لك جنبى
تقوى كل اللى بيا
وثقة بحبك ليا
ورب كبير كريم بيا من صغرى
بدعا بقلة حيلتى
فى ناس مارحموا ضعفى
وهمسوا لودن نفسى
بالبعد عن دنيتى
م اهاسيب إيدك
حتى لو كان الموت بخطوتى
لكل مكان داسته عفتك
ياحبيبى