----------------------------------------
انا اسم فى شهادة عودة منسيه
انا العابر على الأشواك
جواز مشطوب بهماجيه
تاريخ واقع فى مجلس أمن
ووقعه معايه جنسية ومش ليا
انا الراحل في وسط الصمت
وقالوا أمه عربيه
بشكل جديد في زفة جارة عبرية
وغجرية جواز عرفي
جواز بورقه عرفيه
في سر فظيع بشوق تطبيع
وانا المنبوذ فلسطيني
بصوت محبوس
في وسط طقوس
كنيس والنجمه خماسيه
يا صوت الظلم مش هركع ولا هخدع
انا بجمع زهور فجري
وبحسب وقتي بالهجري
وبقراء سورة الإسراء
ده مش تلمود ولا عبري
ده وعد الوعد من ربي
في يوم طالع هنا فجري
مسيح ومعاه هنا المهدي
على أرضي
ويكتب سورة الإسراء كلام الله
لاكان تحريف ولا تخريف
ولا حتي الكلام عبري
انا أصلي فلسطيني
جزائري الأصل انا مصري
انا التونسي انا الليبي
وانا القطري انا اسمي انا العربي
انا العربي فلسطيني وده اسمي
---------------------------------