وجعتي قلوبنا ......... يا رزان
مكانك ........ ف جنة الرحمن
رصاص الغدر سهامه صابتنا
ودمع القلب .. عليكي فيضان
نسمه كنتي ....... عايشه بيننا
وايديكي بتطيب ... ف الامنا
ياما داويتي ....... جراح ثوار
يا زهرة قدسنا ......... ووطنا
الشهادة ............... ليها ناسها
روح طاهره .. وليها احساسها
من بين .......... ملايين البشر
شاورت عليكي ...... لحراسها
فاكرينك رحلتي ...... يا رزان
وجراحك ... ف طي النسيان
ميعرفوش ......... انك غاليه
والحزن جوانا .... بئي بركان
حقك راجع ......... يا شهيدة
وسكاتنا ...... ف اخر تنهيده
مهما يطول ...... ظلام الليل
لينا فجر ..... وبدايه جديده
لينا ماضي وجينات وراثيه
بتقول فلسطين ...... عربيه
والقدس عاصمه ..... ابديه
ودم رزان ... قضيه وطنيه