أنا بولع أنا بموت
في زمن المصالح إزاي افوت
لا اخ ينفعك ولا يرحمك
بس يدوس عليك ويقولك
توت توت
أنت تحت رجلي صغنتوت
مصلحتي فوقك
وأنت تقوله أرجوك
انا عاوز اعيش
بس هو مبسوط
لو لبسوك الطرحة
و سموك اسمهان
ملكش حق تقول
انك فرحان
ولو جريت علي أرضك
وانت جعان
يدخلوك تبوت
مكتوب عليه اعدام
ولو قلت حقي برقبتي
يشربوا عليك قهوة
وانت مع روحك زعلان
اعمل راجل وانزل
في الشارع عريان
يقولوا عليك تعبان
ولينا الحق أننا نبيعه
وجسد الانسان بقي
رخيص في سوق الغيلان
مصالح مصالح
يانايم اصحي الحق بيع
قبل ماتنسي
وتلاقي نفسك منباع
لا في صاحب ينصاحب
وكله بقي في الهربان
دي شركة يا ابن والدي
الغالب فيها خسران