بقلم أ / رمضان العلالقة
~~~
أنا بحار و بقى لي سنين
عايم بين أمواج و مواجع
لما بئن محدش سامع
عومت في بحر الليل كركبني
و انت سايبني
كأني بعوم من غير طرافين
راكب موج و الليل غدار
غير بحر الشوق في عينيا
كل شوية بضم اللوم
و اهرب جوه
في نفسي و روحي
أدخل قلبي و اجيب أسباب
أدق أوتاد
و أثبت خيمة في نص البحر
و اضرب حسبة بألف حساب
ياترى يا بكرة
بتخفي في إيه ؟
و لا امبارح كان فيه نوهة
جت بالقوة
و الريح يقلب بين شطين
ياترى يا بحر لفين هتخدني
بقرا كلام مجهول في عيونك
يطلع يومك
مشتال حتى في كف الهم
إسأل نفسك
إيه كان ذنبني ؟
لما النبض يدق في قلبي
كنت بدوب من نظرة شوق
و انت السحر في عيني تملي
كنت بخلي المركب يكسر
أكبر موجة في نص الليل
و اسبح لما يقرب شطك
عهد بحطك جوه عيوني
حتى في روحي
و تقفل بابك
من شباكك
أجمل نسمة بتدخل ليا
كنت بوقر حتي أصحابك
بس دا كله ماعدش يفيد
أيوه ماعدش ما بينا جديد
بعد ما تاه الشوق في عيونك
و نسيت حد اللهفة جنونك
طفيت نار الشوق م البرد
مبقاش ود بينفخ فيها
و يخليها جحيم مشتاق
حتى الرعد
غير كل طقوس الكون
و السيل يهدر
يخفي معالم كانت
أجمل شيء في حياتي
و البحار هيغير وجهة
أصل الريح وياك متجهة
في كل مسار
رحلة عمري معاك مش سهلة
فيها دمار للقب الحي
~~~~~~~~~~~