بقلم أ/ رمضان العلالقة
~~~~~~
و ف عيونك دمعة شاردة
فيها حيرة قد إيه
هي نظرة و النهارده
يا ترى قلبي دق ليه
كنت ليه بلمح عيونك
و انت ليه متخبهاش
لسه بغرق في بحورك
و الشطوط موصلتهاش
دنيا حلوة بين جفونك
تسحر القلب بجنون
و الٱماني ف ضل يومك
كل صعب معاك يهون
بس بحتار لما بسأل
إيه يحير في عينيك
بلتقيني ف حيرة أكبر
ليه شاغلني باللي فيك
أنسى جرحك و الليالي
بكره في الأحلام شروق
تطلع الشمس بٱماني
و الطيور هتغني فوق
يترى إيه بتقول عليا
تحكي عني أو نسيت
و لا يعني كتير عليا
لو تقولي ليه بكيت
~~~~~~~~~