اسلام عامر
كان ليها ماضي وذكريات
كان فيها وجع بيألمها
من حب كان ف حياتها
وحلم مات
كان ليها ماضي
وكنت راضي
امسح دموعها بمنديلي
واملي انسيها
كل اللي فات
كانت بتسهر طول ليلي
مع النجوم والقمر
تحكي لي وتشكي لي
وتوجعني منها
الآهات
ولما الماضي مات
ف حياتها
وبحبي ليها رجعت
ضحكتها
داوت جروحها
عاشت لروحها
وغابت عني فجأة
وسابت لي أوجاع الآهات
كان ليها ماضي
وذكريات
صعبت عليا وصدقتها
وعدتني وخانت وعدها
بأخلاصها ليا فى حبها
ياريتني ماكنت عرفتها
ولا كان الحب مات
يامين يروح يقول لها
من كل قلبي أنا كرهتها
ونسيتها خلاص
وودعتها
ونسيت كل اللي فات
كان ليها ماضى
وذكريات
كان فيها وجع
بيألمها
من حب
كان فى حياتها
وحلم مات
كان ليها ماضي