إسلام عامر
اعتزلت الغرام ضحكت ليا الأيام
ارتاح البال والفكر من عذاب الحب
والحيرة ومر الخصام
اعتزلت الغرام
ارتاح القلب من أوجاع الهجر
والجرح وآهات الآلام
اعتزلت الغرام
مابقتش أسهر طول الليل
مع النجوم والقمر احكي واشكي
مابقاش يأثر فيا الماضي والذكري
مابقتش افكر غير ف نفسي وبس
واملي وحلمي ف بكرة
اعتزلت الغرام
ماتت كل أشواقي وحنيني
من غدر حبايب
باعوني جرحوني خانوني
قواهم عليا غدر زماني
وظلم سنيني
اعتزلت الغرام
ارتاحت ونامت خلاص عيني
ووعدت قلبي بدموعها تاني
ماتبكي عليهم
ولا حتى فى الأحلام
اعتزلت الغرام
وخلصت الحكاية
من غير عتاب ولا لوم
لحد كده وكفاية
وبالمفيد المختصر
رضيت بالنصيب
وبحكم القدر
وبإيدي كتبت
النهاية
اعتزلت الغرام